BlogNews.am-ը, շարունակելով բլից հարցերի շարքը, այս անգամ զրուցել է երիտասարդ դերասան Վարուժան Մարգարյանի հետ՝ պարզելու, թե նա որքանով է ճանաչում կանանց, ինչպիսի աղջիկների է նախընտրում, և ինչը կստիպի նրան ապտակել կնոջը:
— Կնոջը ոչինչ այդքան չի գեղեցկացնում, որքան…
— Համեստությունը։
— Սևահերների՞ ես սիրում, թե՞ շիկահերների։
— Շիկահերների։
— Կնոջ զգեստապահարանի ո՞ր իրերին եք ուշադրություն դարձնում։
— Եթե օծանելիքը զգեստապահարանի իր կարելի է համարել, ապա, միանշանակ, օծանելիք։)
— 3 թեմա, որ չես քննարկի կնոջ հետ։
— Այն ամենն, ինչն իրեն չի վերաբերում, և այն ամենն, ինչն ինձ չի վերաբերում։
— Քեզ համար առաջնայինը կնոջ հմա՞յքն է, թե՞ խելքը։
— Խելքը։
— Իսկ խելացի կանանցից պետք է վախենա՞լ, թե՞…
— Ո՛չ, չպետք է վախենալ, քանի որ խելացի կանանց մեջ ավելի շատ եմ հետաքրքրություն տեսնում։
— 3 բան, որը կստիպի հիասթափվել կնոջից։
— Խնամված չլինելը, գռեհկությունը և նյութապաշտությունը։
— Կա՞ մի բան, որը քեզ կստիպի ապտակել կնոջը։
— Ո՛չ։
— Կնոջից խորհուրդ հարցնո՞ւմ ես։
— Այո՛, հարցնում եմ։
— Ի՞նչն է կնոջը խորհրդավոր դարձնում։
— Ժպիտը։
— Համամի՞տ ես, որ ցանկացած կնոջ սխալում կա տղամարդու մեղքը։
— Ոչ միշտ, բայց կան դեպքեր, որ կա տղամարդու գործոնը։
— Կանանց պետք է արգելել…
— Ոչ կանացի լինելը։
— Կա՞ արտահայտություն, որը չես սիրում, երբ աղջիկներն օգտագործում են։
— Պատասխանս կոպիտ կհնչի, բայց «հորս արև» արտահայտությունը։
— Ի՞նչն է նյարդայնացնում քեզ աղջիկների մեջ։
— Երբ փորձում են ցույց տալ այն, ինչ իրականում չկա։
— Ի՞նչ պետք է անի աղջիկը, որ դու ուշադրություն դարձնես նրան։
— Պետք է հետաքրքիր բանավեճի բռնվի։
— Ինչպիսի՞ կին կցանկանայիր տեսնել կողքիդ։
— Կատարյալ։
— Դո՞ւ էլ ես պատկանում այն տղամարդկանց թվին, ովքեր կարծում են, որ հիանալի գլուխ են հանում կանանցից:
— Ես փորձում եմ ճանաչել կնոջը, և ըստ իս՝ դրանում է կայանում հետաքրքրությունը։
