Սվերդլովսկի մարզի Բուլանաշ գյուղի հինգհարկանի շենքում գազ-օդ խառնուրդ է պայթել։
72 մարդ, այդ թվում՝ 30 երեխա, տարհանվել է։ Մեկ մեծահասակ հոսպիտալացվել է։ Գերատեսչության տվյալներով՝ վնասվել են երկու բնակարանների ներքին պատերը, բնակարանի պատուհանների բացվածքները և մուտքը։
Տեղական դպրոցում ստեղծվել է բնակիչների համար ժամանակավոր կացարան։ Քննչական մարմինները պարզում են միջադեպի պատճառները։ Պայթյունը կարող էր առաջացած լինել անսարք ջրատաքացուցիչի պատճառով, հայտնել է դատախազությունը։
