Բառացիորեն հացի խնդիր ենք ունենալու, ավելի վատ, քան Արցախում է հիմա. Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Ռուսաստանի հետ Նիկոլ Փաշինյանի կողմից հրահրվող քաղաքական բախումների հետևանքով առաջիկա ամիսներին Հայաստանին վառելիքի և սննդամթերքի, հատկապես ցորենի լրջագույն խնդիրներ են սպառնալու։

Ռուսաստանն այդպես պատժում է բոլորին՝ Եվրոպայից մինչև Արևելք, Հայաստանի նկատմամբ ինչո՞ւ պիտի ներողամիտ լինի։

Բառացիորեն հացի խնդիր ենք ունենալու, ավելի վատ, քան Արցախում է հիմա։
Սննդաբաններն ասում են՝ հասարակ ցորենի թեփով պատրաստված կերակուրը կամ հենց ինքը՝ ցորենի թեփը, ջրով կամ մածունով շաղախված, շատ ավելի երկար է կուշտ պահում մարդուն, քան պարենի մյուս տեսակները։

Ինքս ընտանիքով վաղուց օգտվում եմ մասնագետների այդ խորհրդից և զգում կենսունակությունը։ Խանութներում վաճառվում է` որպես բարձր որակի սնունդ։

Հետևաբար հատկապես տնտեսվարողներին ու ալրաղացներին առաջարկում եմ վաղվա խնդիրներին դիմակայելու համար պահեստավորել մեծ քանակության ցորենի թեփ։

Այսօր մեր գյուղերում չեն գիտակցում ցորենի թեփի արժեքը և թափում են կամ կենդանիներին տալիս, այնինչ դա ավելի օգտակար է, քան ալյուրը։

Վաղվա դժվարությունները հաղթահարելու համար պետք է այսօրվանից պատրաստվել»:

https://mediaarm.am/hy/page/%D5%A2%D5%A1%D5%BC%D5%A1%D6%81%D5%AB%D5%B8%D6%80%D5%A5%D5%B6-%D5%B0%D5%A1%D6%81%D5%AB-%D5%AD%D5%B6%D5%A4%D5%AB%D6%80-%D5%A5%D5%B6%D6%84-%D5%B8%D6%82%D5%B6%D5%A5%D5%B6%D5%A1%D5%AC%D5%B8%D6%82%2C-%D5%A1%D5%BE%D5%A5%D5%AC%D5%AB-%D5%BE%D5%A1%D5%BF-%D6%84%D5%A1%D5%B6-%D5%A1%D6%80%D6%81%D5%A1%D5%AD%D5%B8%D6%82%D5%B4-%D5%A7-%D5%B0%D5%AB%D5%B4%D5%A1-%D5%B6?fbclid=IwAR3JOiYMSrDzIqbT2Rc7b3pcw_u3JshTx4W6jJxL2n6kWBkZsjJmvDBx_4M