Երևանը մոլորեցնում է սեփական ժողովրդին՝ շարժվելով ԵԱՏՄ-ից դուրս գալու ուղղությամբ. Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Հայաստանի իշխանությունները մոլորեցնում են սեփական ժողովրդին՝ շարժվելով Եվրասիական տնտեսական միությունից (ԵԱՏՄ) դուրս գալու ուղղությամբ։ Այս մասին նա ասել է NEWS.ru -ի հարցին ի պատասխան։

Զախարովայի խոսքով՝ Ռուսաստանին մինչ օրս անհասկանալի է Հայաստանի իշխանությունների գործողությունների տրամաբանությունը։

Նա ընդգծել է, որ նման որոշումներ կայացնելուց առաջ անհրաժեշտ է պարզել սեփական բնակչության դիրքորոշումը, այլ ոչ թե նախ քայլեր ձեռնարկել և հետո դիմել հանրության կարծիքին։