Երեկ՝ օգոստոսի 15-ին, ող բերգական դեպք է տեղի ունեցել Շիրակի մարզում։ Ժամը 17։20-ի սահմանններում «Արթիկ» բժշկական կենտրոնի շտապօգնության կայանից ՀՀ Ներքին գործերի նախարարության Ոստիկանության Շիրակի մարզային վարչության օպերատիվ կառավարման կենտրոն ահազանգ է ստացվել, որ բժիշկների հերթապահ խումբը իրենց մոտ է տեղափոխել երեխայի դի։ Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ՀՀ ՆԳՆ Ոստիկանության Արթիկի բաժնի օպերատիվ խումբը՝ բաժի պետ Հարություն Ադամյանի գլխավորությամբ։ Ժամանել է նաև Հայաստանի Քննչական կոմիտեի Շիրակի մարզային քննչական վարչության Արթիկի և Անիի քննչական բաժնի խումբը՝ բաժնի պետ Նարեկ Մանանդյանի գլխավորությամբ։ Ոստիկաններն ու քննիչները պարզել են, որ մա հացածը Շիրակի մարզի գյուղերից մեկի բնակիչ, 2-ամյա Ռուզաննա Խ․-ն է։
Պարզվել է նաև, որ նույն օրը երեխան ծնողների հետ գտնվելիս է եղել մոր հայրական տանը, որտեղ բակում աղավնիների հետ խաղալիս երեխան մի պահ դուրս է մնացել ծնողերի տեսադաշտից, որից հետո ծնողները ման են եկել երեխային և տանից մոտ 50 մետր հեռավորության վրա գտնվող լճակում հայտնաբերել երեխայի ջրահեղձ եղած դին։ Դատաբժշկի նախնական եզրակացության համաձայն արտաքին զննությամբ դիակի վրա բռնության հետքեր չեն հայտնաբերվել։
Դեպքի փաստով Արթիկի և Անիի քննչական բաժնում սպանություն հատկանիշներով նախաձեռնվել է քրեական վարույթ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով’ դատարանի’ օրինական ուժի մեջ մտած դատավճռով։
https://mediaroom.am/armenia/artakarg/item/47453-2.html
