Վայոց ձորի զինկոմը, ըստ տեղեկությունների, կալանավորվել է կոռուպցիոն գործի շրջանակում. այս մասին տեղեկացնում է «Հրապարակ» թերթը:
«Հրապարակ» թերթի տեղեկություններով՝ Վայոց ձորի զինկոմ, գնդապետ Գագիկ Գրիգորյանը կալանավորվել է ենթադրյալ կոռուպցիոն գործի շրջանակում։ Պարբերականը, հղում անելով իր աղբյուրներին, գրում է, որ Գրիգորյանը կարող է կապեր ունենալ պաշտպանության փոխնախարար Արման Սարգսյանի հետ։
Ըստ թերթի՝ զինկոմի աշխատասենյակն արդեն շուրջ երկու շաբաթ է՝ կնքված է, ինչի հետևանքով քաղաքացիները դժվարություններ ունեն տեղեկանքներ ստանալու հարցում։ Պարբերականը նաև հայտնում է, որ Գրիգորյանի եղբայրը՝ Գևորգ Գրիգորյանը, զբաղեցնում է Վայքի ոստիկանության բաժնի պետի պաշտոնը։
Նշված տեղեկությունները պաշտոնական աղբյուրներով առայժմ հաստատված չեն։
Հավելենք՝ «Ավրորա Նյուզ»-ը փորձում է իրավասու մարմիններից պարզաբանումներ ստանալ հրապարակված տեղեկությունների իսկության և հնարավոր քրեական վարույթի վերաբերյալ։
