Ալյասկայում ուղևորներ տեղափոխող ինքնաթիռ է անհետացել, հայտնում են իշխանությունները։
«Ներկայումս մենք արձագանքում ենք Bering Air ավիաընկերության անհետացած ինքնաթիռի վերաբերյալ հաղորդմանը: Օդանավում եղել է 10 մարդ, Cessna Caravan ինքնաթիռը Ունալաքլիթայից Նոմ էր ուղևորվում», – սոցցանցերում հայտնել է Նոմ քաղաքի հրշեջ ծառայությունը։
Հաղորդվում է, որ ցամաքային ակտիվ որոնողական աշխատանքներ են իրականացվում օդանավը գտնելու ուղղությամբ: Օդային որոնման հնարավորությունները սահմանափակված են եղանակի և տեսանելիության պատճառով:
