Զինվորականների համար տարիքային շեմ է բարձրացվել․ կառավարության որոշումը

Հայաստանում առանձին զորամասերի հրամանատարների և նրանց տեղակալների՝ ռազմաուսումնական հաստատություններ ընդունվելու տարիքային առավելագույն շեմը 37-ից դարձել է 45 տարեկան։

Համապատասխան որոշումն ընդունվել է ՀՀ կառավարության հոկտեմբերի 22-ի նիստում։

Փոփոխությունը վերաբերում է գումարտակների, դիվիզիոնների և էսկադրիլիաների հրամանատարներին ու նրանց տեղակալներին։

Որոշման համաձայն՝ տարիքային սահմանափակման բարձրացումը հնարավորություն կտա նշված պաշտոնատար անձանց մասնակցելու բարձրագույն ռազմաուսումնական հաստատությունների ընդունելությանը։

Past.am-ը կհետևի պաշտպանության ոլորտում ընդունվող որոշումներին և դրանց հնարավոր փոփոխություններին։