Այսօր բռնազավթված Ջրականում որդին, ապա ժամեր անց` հայրը, պայթել են ականի վրա

Արցախից բռնազավթված Ջրականի (Ջաբրայիլի) շրջանի Դաղմաշանլի գյուղի բնակիչ Օրհան Ղահրամանովը (ծնված 2000թ.) պայթել է ականի վրա՝ Դաղմաշանլի գյուղում անասուններ արածեցնելիս։

Դեպքի հետևանքով նա ստացել է տարբեր աստիճանի ծանրության վնասվածքներ։ Նա ստացել է վերջույթների ծանր վնասվածքներ:
Ժամեր անց Ադրբեջանի ականազերծման գործակալության (ANAMA) համատեղ հայտարարության մեջ նշվում է, որ Օրհան Ղահրամանովի հայրը` 1966 թվականին ծնված Աշրաֆ Ղահրամանովը նույն վայրում հակահետևակային ականի պայթյունից տարբեր ծանրության վնասվածքներ է ստացել։

«ANAMA-ն, ՆԳՆ-ն և գլխավոր դատախազությունը կրկին կոչ են անում քաղաքացիներին պահպանել անվտանգության կանոնները, ուշադիր լինել ականների վտանգի նշանների նկատմամբ, խուսափել կասկածելի առարկաներին դիպչելուց և անծանոթ ու ցանկապատված տարածքներ մտնելուց», – ասվում է համատեղ հայտարարության մեջ։https://www.youtube.com/watch?v=qF2TtzrD38I