Ալեքսանյանի կոշտ ուղերձը՝ Գանձասարի վերաբերյալ Բաքվի հայտարարություններինԱմենակարևորը մեզ համար խաղաղությունն է և խնամքը խաղաղության նկատմամբ: Այդ մասին խորհրդարանական ճեպազրույցի ժամանակ ասել է ԱԺ փոխնախագահ Վահագն Ալեքսանյանը՝ անդրադառնալով Ադրբեջանի նախագահի օգնական Հիքմեթ Հաջիևի՝ մի քանի դիվանագետների հետ ԼՂ այցին, որի ժամանակ նա հայկական մշակութային ժառանգությունը ներկայացրել է որպես աղվանական:
«Այն, որ պարոն Հաջիևի այդ հայտարարությունները չեն բխում խաղաղության խնամքի տեսլականից, մի բան էլ անհիմն են, սրա մասին ասվել է, ասել է նաև ԱԺ նախագահը՝ ի պատասխան պատգամավորի հարցին»,- ասել է Ալեքսանյանը:
Լրագրողների դիտարկմանը, թե ինչու ԱԺ-ն հայտարարության տեսքով չի արձագանքել Հաջիևի հայտարարություններին, Վահագն Ալեքսանյանը պարզաբանել է՝ դիվանագիտական տարբեր մակարդակների հարց է:
«Դուք ՀՀ-ն փորձում եք դիտարկել որպես ինչ-որ բազար: Կներե՛ք արտահայտությանս համար: Սա բազար չէ, սա պետություն է, և ՀՀ կառույցները՝ Ազգային ժողովը, Կառավարությունը և մնացած բոլորը, ռեզոլյուցիաներ չեն ընդունելու այլ երկրի նախագահի օգնականի ազատ ոճի արտահայտության համար, որքան էլ դա անհիմն լինի»,- ասել է ԱԺ փոխնախագահ Վահագն Ալեքսանյանը։
Հիշեցնենք, որ Ազգային ժողովի հերթական նիստում ԱԺ նախագահ Ռուբեն Ռուբինյանը Հիքմեթ Հաջիևի հայտարարությունները որակել էր անհիմն՝ նշելով, որ դրանք օգտակար չեն խաղաղության խնամքի համատեքստում:
