Երևանում մեքենա է այրվել. վարորդը հոսպիտալացվել է․ լուսանկար

Երևանի Թբիլիսյան խճուղում «Mitsubishi» մակնիշի ավտոմեքենա է այրվել, ինչի հետևանքով մեկ անձ տուժել է։ Տեղեկությունը հայտնում է ՀՀ ՆԳ նախարարության փրկարար ծառայությունը։

«Դեպքի մասին ահազանգը ստացվել է հուլիսի 6-ին, ժամը 09։52-ին։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից 1 մարտական հաշվարկ: Մինչ փրկարարների կանչի վայր հասնելը՝ վարորդը տեղափոխվել է բժշկական կենտրոն»,– ասված է հաղորդագրությունում:

Մեքենայում առաջացած հրդեհը մեկուսացվել է ժամը 10։06-ին, մարվել` 10։12-ին:

Լուսանկարը՝ ստորև․