Շոկոլադը կարող է թանկանալ Մերձավոր Արևելքում ճգնաժամի պատճառով

Ինդոնեզիայի տնտեսագետները զգուշացնում են կակաոյի գների աճի մասին՝ փոխադրման, ապահովագրության և վառելիքի ծախսերի պատճառով արտադրողները կարող են բախվել ներմուծվող հումքի թանկացմանը, որը շարունակում է մնալ շոկոլադային արտադրանքի հիմնական բաղադրիչներից մեկը։

Ինդոնեզիան կակաոյի ամենամեծ մատակարարներից մեկն է, և երկրի առևտրի նախարարության տվյալներով՝ հունիսին կակաոյի հատիկների արտահանման գինը կաճի 18,53%-ով։

Քանի որ Հայաստանը կակաո և շոկոլադի արտադրության համար անհրաժեշտ հումք ամբողջությամբ ներմուծում է, միջազգային գների տատանումները կարող են ազդել նաև տեղական շուկայի վրա։