ԱԹՍ-ները կրկին հարվածել են Ստարոբելսկի քոլեջին

Ռուսաստանի ԱԳՆ հատուկ հանձնարարություններով դեսպան Ռոդիոն Միրոշնիկը հայտնել է, որ ուկրաինական անօդաչու թռչող սարքերը կրկին հարձակվել են Լուգանսկի մարզի Ստարոբելսկ քաղաքի քոլեջի հանրակացարանի վրա, որտեղ շարունակվում են փրկարարական աշխատանքները։

Նրա խոսքով՝ օդային վտանգի ազդանշանի դեպքում փրկարար խմբերը ստիպված են լինում դադարեցնել գործողությունները և տեղափոխվել ապաստարաններ, մինչդեռ հակաօդային պաշտպանության համակարգերն ու շարժական կրակային խմբերը փորձում են խոցել անօդաչու սարքերը։ Չնայած վտանգավոր իրավիճակին՝ որոնողափրկարարական աշխատանքները շարունակում են իրականացվել։

Մայիսի 22-ին ուկրաինական ուժերը հարված էին հասցրել Ստարոբելսկի մասնագիտական քոլեջին և հանրակացարանին, որտեղ այդ պահին գտնվել էին 14-ից 18 տարեկան 86 դեռահասներ։ Վերջին տվյալներով՝ 11 ուսանողի գտնվելու վայրը դեռ անհայտ է։