Ռուս զբոսաշրջիկներին զգուշացրել են Թուրքիա և Եգիպտոս նախատեսված ուղևորությունների հետ կապված նոր խարդախության սխեմայի մասին։ Տեղեկությունը հրապարակել է ռուսական ТурДом պորտալի «Крыша ТурДома» Telegram-ալիքը։
Հաղորդվում է, որ խարդախները զանգահարում են մեկնելուց մի քանի օր առաջ և ներկայանում «Турпомощь» կազմակերպության աշխատակիցներ։ Նրանք հայտնում են, թե իբր չվերթը չեղարկվել է՝ պատճառաբանելով վիրուսի տարածում, քաղաքական իրավիճակ կամ այլ արտակարգ դեպքեր։
Դրանից հետո մարդկանց առաջարկում կամ ստիպում են շտապ նոր ավիատոմսեր գնել՝ շատ ավելի բարձր գներով։
Մասնագետները շեշտում են, որ «Турпомощь»-ը նման հարցերով չի զբաղվում և չի կապվում ուղևորների հետ տոմսերի փոփոխության նպատակով։ Կազմակերպությունը գործում է միայն արտակարգ իրավիճակներում, օրինակ՝ երբ զբոսաշրջիկը մնում է արտերկրում առանց կացարանի կամ վերադարձի հնարավորության։
Նաև նշվում է, որ ավիաընկերություններն ու տուրօպերատորները սովորաբար ուղևորներին անծանոթ համարներից չեն զանգահարում։
Տեղեկությունը հրապարակվել է ռուսական վստահելի զբոսաշրջային աղբյուրների կողմից և ներկայացվում է որպես իրական խարդախության սխեմայի վերաբերյալ նախազգուշացում։
Աղբյուր՝ ТурДом