Վթարի հետևանքով մոտոցիկլավարը, ում առաջինը օգնության էին հասել Ջրվեժ անտառապարկի պետ Գարեգին Բաղդասարյանը և անտառապարկի աշխատակից Վահան Սաղաթելյանը, տեղափոխվել էր հիվանդանոց, որտեղից որոշ ժամանակ անց ահազանգել էին ոստիկանության Կոտայքի բաժին, և հայտնել, որ վիրավորը, գիտակցության չգալով, մահացել է:
SHAMSHYAN.com-ը ներկայացնում է տեսանյութ, որ արձանագրվել է տեսախցիկի կողմից, թե ինչպես է տեղի ունեցել ողբերգական պատահարը: Ինչպես ավելի վաղ դեպքի վայրից հայտնել էր ֆոտոլրագրողը, այսօր՝ օգոստոսի 22-ին, մոտոցիկլի և ավտոմեքենայի մասնակցությամբ ողբերգական դեպք էր տեղի ունեցել Կոտայքի մարզում: Ժամը 09:10-ի սահմաններում Երևան-Ձորաղբյուր ավտոճանապարհին՝ Ջրվեժի անտառի պարկի դիմաց բախվել էին Կոտայքի մարզի բնակիչներ 39-ամյա Տիգրան Գրիգորյանի վարած «Opel» մակնիշի և 61-ամյա Արմեն Վարդանյանի վարած «Choper» մակնիշի մոտոցիկլը: Բախման հետևանքով մոտոցիկլը կողաշրջվել էր, իսկ մոտոցիկլավարը ծայրահեղ ծանր ախտորոշմամբ տեղափոխվել էր «Սուրբ Գրիգոր Լուսավորիչ» բժշկական կենտրոն Մինչ դեպքի վայրում պարեկները սպասում էին քննչական խմբի ժամանմանը, հիվանդանոցից ահազանգ է ստացվել ոստիկանության Կոտայքի բաժին, որ մոտոցիկլավարը մահացել է: