Ադրբեջանի նախագահ Իլհամ Ալիևը ամանորյա ուղերձում հույս է հայտնել, որ «Ադրբեջանի նկատմամբ խտրականության և զրպարտության քաղաքականությանը կվերջանա»։
Այդ երկրի նախագահը չի մոռացել ևս մեկ անգամ կրկնել, որ «Հայաստանին զինելու լայնածավալ արշավը տարածաշրջանի համար սպառնալիքի ևս մեկ աղբյուր է։ Եթե խոսենք այս տարվա մեզ համար ամենատագնապալի պահի մասին, ապա, իհարկե, սա Հայաստանի սպառազինությունն է»,-նշել է նա։
«Հաշվի առնելով Հայաստանի հսկայածավալ սպառազինությունը՝ մենք էապես մեծացրել ենք հաջորդ տարվա մեր ռազմական բյուջեն։ Այն հասել է ռեկորդային մակարդակի՝ բարձրացել է մինչև 8,4 մլրդ մանաթ։ Մենք ստիպված եղանք այն հասցնել այս մակարդակի, քանի որ մենք չենք կարող հետ մնալ Հարավային Կովկասում Հայաստանի սանձազերծած սպառազինությունների մրցավազքից։
«Հարավային Կովկասը պետք է դառնա խաղաղության, հանգստության և համագործակցության տարածաշրջան։ Հայաստանի լայնածավալ և արագացված սպառազինությունը և նրան մահաբեր զենքի մատակարարումը կարող է խաթարել այս խաղաղությունը, խաղաղությունը, որը հնարավոր է։ Ադրբեջանն այս հարցում պարզապես անտարբեր դիտորդ չի մնա։
Մենք երբեք չենք մոռանա «Ղարաբաղի», «Արևելյան Զանգեզուրի» «երեսնամյա օկուպացիան», ավերածությունները, «Խոջալուի ցեղասպանությունը», մեր միլիոն քաղաքացիների վերածվելը փախստականների և հարկադիր վերաբնակների՝ Հայաստանի մեղքով։ Միշտ պետք է հաշվի առնել Հայաստանի ագրեսիվ քաղաքականությունն ու էությունը։ Ուստի իմ պարտքն եմ համարում ևս մեկ անգամ զգուշացնել Հայաստանի ղեկավարությանը՝ խուսափել այս վտանգավոր ճանապարհից։
Հայաստանը ի վիճակի չէ մեզ հետ մրցել ո՛չ ռազմական, ո՛չ էլ այլ ոլորտում»,-հայտարարել է Ալիևը։
