Թուրքիան անհրաժեշտության դեպքում չի վարանի օգտագործել երկրի «երկաթե բռունցքը»՝ իր անվտանգությունն ապահովելու համար։ Այս մասին հայտարարել է երկրի նախագահ Ռեջեփ Թայիփ Էրդողանը։
«Առաջիկա ժամանակաշրջանում մենք վճռական քայլեր կձեռնարկենք՝ իրականություն դարձնելու մեր տեսլականը Թուրքիայի և ահաբեկչությունից զերծ տարածաշրջանի մասին»,- ընդգծել է նա։
Թուրքիան նոր ժամանակաշրջանում կտրամադրի հնարավոր բոլոր աջակցությունը՝ Սիրիայում մշտական խաղաղության, հանգստության, կայունության և տնտեսական բարգավաճման համար, նշել է Էրդողանը։
Թուրք առաջնորդը նշել է նաև, որ Անկարան ինտենսիվ ջանքեր է գործադրում Գազայի հատվածում և պաղեստինյան այլ տարածքներում 15 ամիս շարունակվող արյունահեղությանը վերջ դնելու, ինչպես նաև տարածաշրջանում խաղաղություն հաստատելու համար։
No Comment! Be the first one.