Հր թիռակ ոծվել է Կիևի մանկական հիվանդանոցը

Ռուսաստանի ԶՈւ-ն երկուշաբթի առավոտյան զանգվածային հրթիռային հարվածներ է հասցրել Կիևին և Ուկրաինայի այլ քաղաքներին։ Նախնական տվյալներով՝ երկրի մայրաքաղաքում զոհվել է 7, Կրիվոյ Ռոգում՝ 10 մարդ։

Հրթիռակոծվել է նաև Կիևի ամենամեծ մանկական հիվանդանոցը։ «Տարբեր քաղաքներ՝ Կիև, Դնեպր, Կրիվոյ Ռոգ, Սլավյանսկ, Կրամատորսկ, ենթարկվել են հրթիռակոծման․ արձակվել է տարբեր տեսակի ավելի քան 40 հրթիռ: Վնասվել են բնակելի տներ, ենթակառուցվածքներ և մանկական հիվանդանոց»․ ասվում է Զելենսկու հայտարարության մեջ։

Զելենսկին հրապարակել է Կիևի «Օխմատդետ» մանկական մասնագիտացված հիվանդանոցի շենքի լուսանկարը։ Նրա խոսքով՝ վիրավորների և զոհերի ստույգ թիվը դեռևս հայտնի չէ: «Ներկայումս բոլորն աշխատում են փլատակների վրա»,– հայտնել է Զելենսկին։

https://www.1in.am/3441310.html?fbclid=IwZXh0bgNhZW0CMTAAAR17kwq9mYZ-ZmfabL7iL6vYqj3HZ7lWu2eph1r0IWHstSQuNIV10UsJmhM_aem_vE77DwvuLcWW9ErpisCFzA