Վանաշենում կրակոցները շարունակվում են․ ամիսներ առաջ տեղի ունեցած վեճը չի հանդարտվում
Մարտի 30-ին հերթական կրակոցներն են տեղի ունեցել Արարատի մարզում։ Կրակոցները մեկ տարի առաջ տեղի ունեցած միջադեպի շարունակությունն են։ shamshyan.com-ն էլ քիչ առաջ հայտնել է, որ ահազանգով ժամանել են նաև իրավապահները։
Վանաշեն գյուղի բնակիչները, ովքեր հրաժարվել էին տեսախցիկի առաջ խոսել, իրենց զայրույթն էին հայտնում մարզի քրեական և համայնքային ոստիկանների հասցեին՝ ասելով․
«Մարտի 30-ի կրակոցը տեղի չէր ունենա, եթե իրավապահները տեղում լինեին։ Եվ դա անցյալ տարվա օգոստոսի 8-ի դեպքի շարունակությունն է։ Դեպք, որն իրավապահների կողմից ոչ լիարժեք է բացահայտվել, ու դա դեռ շարունակություն է ունենալու, որովհետև միջադեպի հերոսները հովանավորվում են մարզի որոշ պաշտոնյաների կողմից, ու այդ պաշտոնյաները շատ լավ գիտեն, որ ամբողջ գյուղում, ինչո՞ւ միայն գյուղում, նաև մարզում իրենց անուններն են շոշափվում։ Ո՞վ է տեսել, որ առանձնապես ծանր հանցագործություն տեղի ունենա, ու մարզի իրավապահներն իրականացնեն թերի աշխատանք, և դրա արդյունքում տեղի ունենա մեկ այլ հանցագործություն»։
Ի՞սկ ինչ էր տեղի ունեցել 2025 թվականի օգոստոսի 8-ին Վանաշենում։
Պարզվել է, որ օգոստոսի 8-ին, ժամը 22։00-ի սահմաններում, Վանաշեն գյուղի գյուղամիջյան ավտոճանապարհին գտնվող ավտոլվացման կետի մոտ մեքենան վարելու շուրջ վիճաբանություն է ծագել Արարատի մարզի բնակիչներ՝ 31-ամյա Մանուկ Հ․-ի, 30-ամյա Արման Հ․-ի և 45-ամյա Գագիկ Ք․-ի միջև, որի ժամանակ վերջիններս քաշքշել են միմյանց և հեռացել։
Այնուհետև, ժամը 23։00-ի սահմաններում, Գագիկ Ք․-ն իր մոտ ապօրինի պահվող ինքնաձիգից կրակահերթ է արձակել Մանուկ Հ․-ին պատկանող «Opel» մակնիշի ավտոմեքենայի վրա, ու այդ ընթացքում Մանուկ և Արման Հ․-երը դուրս են եկել փողոց, որից հետո Գագիկ Ք․-ն շարունակել է ինքնաձիգից կրակահերթ արձակել վերջիններիս ուղղությամբ, որի ժամանակ էլ Մանուկ Հ․-ն, ստանալով հրազենային վնասվածք, տեղափոխվել է «Վեդի» բժշկական կենտրոն։
Եվ ահա, 8 ամիս անց կողմերի միջև կրքերը չեն հանդարտվել, ու հերթական կրակոցն է հնչել։
ՆԳՆ-ից հայտնեցին, որ կատարվել է խուլիգանություն՝ գազային ատրճանակով։ Վիրավոր չկա, հրապարակված կրակոցների հետքերով մեքենան որևէ կապ չունի դեպքի
