Օգտագործեց «Կարգին հաղորդման» անցյալը՝ քաղաքապետ դառնալու համար»․ Ալեն Սիմոնյանը՝ Հայկ Մարությանի մասին

Tete A Tete» հաղորդման հյուրն էր ՀՀ Ազգային ժողովի նախագահ Ալեն Սիմոնյան-ը։ Զրույցին հետևել է StarNews-ը և առանձնացրել մի շարք հետաքրքիր հատվածներ, որոնցից մեկը վերաբերում էր նրա հարաբերություններին Հայկ Մարությանի հետ։

Ալեն Սիմոնյանը խոսել է այն շրջանի մասին, երբ քննարկվում էր Երևանի քաղաքապետի թեկնածության հարցը։ Նրա խոսքով՝ իր համար որոշ չափով վիրավորական էր այն փաստը, որ շատերը վստահ էին՝ հենց ինքն է դառնալու քաղաքապետ և նույնիսկ շնորհավորում էին իրեն, սակայն արդյունքում քաղաքապետ դարձավ Հայկ Մարությանը։

Սիմոնյանի խոսքով՝ Հայկ Մարությանը կարողացավ հասնել այդ պաշտոնին նաև այն մեծ սիրո շնորհիվ, որ ժողովուրդը տածում էր նրա հանդեպ դեռևս «Կարգին հաղորդման» տարիներից։Օգտագործելով իր «Կարգին հաղորդման» անցյալը՝ նժարը փոխելով իր կողմ, դրանով դառնալ քաղաքապետ, որը հետագայում ապացուցեց, որ սխալ էր»,- ասել է նա։

ԱԺ նախագահը նաև նշել է, որ ամենաբարդ պահերին բազմիցս հրապարակայնորեն պաշտպանել է Հայկ Մարությանին։

Անդրադառնալով այն հարցին, թե երբ է նրանց միջև առաջացել անջրպետը, Ալեն Սիմոնյանը նշել է, որ դա տեղի է ունեցել այն ժամանակ, երբ Հայկ Մարությանը հրաժարական տվեց և բոլոր մնացածը մի կողմ թողնելով, սկսեց հրապարակայնորեն խոսել իր BMW- ի մասին։

Իր խոսքով դրանից ընդամենը հինգ օր առաջ իրենք շատ ջերմ խոսակցություն էինք ունեցել և դա շոկ էր նրա համար

https://www.facebook.com/ciniik/posts/pfbid027LZzShN6ZDVawcTN9mvVCnKY54jRqjjqbJYUBdKh1YzNu1Yd84qAJoNN48iHZipbl