Կիրանցիներին միացած զինծառայողներին կանչել են ռազմական ոստիկանություն
Պաշտպանության նախարարությունը երեկ գիշերը հայտարարություն է տարածել մի խումբ պայմանագրային զինծառայողների` կիրանցիներին միանալու դեպքի առթիվ:
Մեր տեղեկություններով՝ զինծառայողներին կանչել են ռազմական ոստիկանություն, սպառնացել են, պատրաստվում են քրգործ հարուցել: ՊՆ-ի հայտարարությունը` ստորև․
Համացանցում տեսանյութ է տարածվել Տավուշի մարզի Կիրանցում տեղի ունեցող քաղաքական ակցիային զինվորական համազգեստով անձանց միանալու վերաբերյալ:
ՀՀ պաշտպանության նախարարության ռազմական ոստիկանությունը միջոցներ է ձեռնարկում զինվորական համազգեստով անձանց ինքնությունը պարզելու և տարածվող տեղեկատվությանը գնահատական տալու ուղղությամբ:
Միևնույն ժամանակ, ՀՀ պաշտպանության նախարարությունը զգուշացնում է, որ ՀՀ զինված ուժերին քաղաքական գործընթացների մեջ ներքաշելու ցանկացած փորձ կարժանանա համարժեք իրավական գնահատականի:
https://lurer.com/?p=570971&l=am&fbclid=IwZXh0bgNhZW0CMTEAAR1XuQoY_HSZzrC2Fglwx9eEfNi1zsb2j2RJ3Rby-GELBgkK-DlF4bNnym0_aem_ATipFxK-zTIwOHLHDqgWsaiTuohAg4duVXno8Y9Ntk7yO6rZVVPcklaqM7Z1wpWDi4vhWiqmceketV4WK9B-rVj-
