Նախարարը կարևոր լուր է հայտնում ԽՍՀՄ խնայբանկում ավադներ ունեցողների համար․ տեղեկացեք

ԵՐԵՎԱՆ, 30 հունվարի․/Նովոստի–Արմենիա/․ ՀՀ աշխատանքի և սոցիալական հարցերի նախարար Արսեն Թորոսյանը Facebook-յան իր էջում տեսանյութ է հրապարակել՝ մանրամասնելով կառավարության որոշումը, որով ԽՍՀՄ Խնայբանկի ավանդներ ունեցող քաղաքացիները կարող են հետ ստանալ դրանք։

«Մենք 2025 թվականին վերադարձնում էինք մինչև 1942 թվականի մինչև դեկտեմբերի 31-ը ծնվածների ավանդները։ Այս տարի որոշել ենք միանգամից 2 տարով երկարացնել այդ ժամկետը և վերադարձնելու ենք մինչև 1944 թվականի դեկտեմբերի 31-ը ծնվածների ավանդները»,- ասել է նախարարն`ընդգծելով, որ խոսքը 5000-6000 քաղաքացու մասին է։

Թորոսյանը հայտնել է, որ դրանք հետ ստանալու համար անհրաժեշտ է անձը հաստատող փաստաթղթով դիմել Միասնական սոցիալական ծառայության տարածքային կենտրոն` ունենալով նաև սոցիալական քարտ կամ հանրային ծառայությունների համարանիշ:

Դիմողը պետք է ունենա նաև ավանդատուի խնայողական գրքույկը (առկայության դեպքում), տեղեկանք «ՎՏԲ Հայաստան» ՓԲԸ ից` ավանդատուի բանկային հաշվի քարտում մինչև 1993 թվականի հունիսի 10-ի դրությամբ տվյալների մասին, ինչպես նաև այլ առնչվող փաստաթղթեր` դրանց առկայության դեպքում:

http://www.facebook.com/watch/?v=811160898682620

https://newsarmenia.am/am/news/armenia/vovqer-ev-inchpes-karogh-en-ays-tari-het-stanal-khshm-khnaybanki-avandnere-torosyane-manramasnel-e-video/?utm_source=dlvr.it&utm_medium=facebook