2026 թվականի փետրվարին կենդանակերպի երեք նշաններ առանձնանում են ֆինանսական հաջողություն գրավելու տեսանկյունից։ Ամիսը նշանավորվում է Լուսնային Նոր տարվա մեկնարկով և տարվա ընթացքում ամենադինամիկ մոլորակային էներգիայով։ Փետրվարի 3-ին Ուրան մոլորակը կանգ է առնում և շարժվում է ուղիղ՝ Ցուլի նշանում իր վերջին փուլի ընթացքում։ 2018 թվականից ի վեր Ուրանը քանդել է ֆինանսական կյանքի այն կառուցվածքները, որոնք այլևս չէին գործում՝ ստիպելով վերանայել կայունության մասին պատկերացումները։ Ուրանի ուղիղ շարժը բերում է անսպասելի հնարավորություններ կամ ֆինանսական շահույթներ, որոնք նպաստում են երկարաժամկետ կայունության ամրապնդմանը։ Նույնքան բարենպաստ է նաև փետրվարի 17-ի Նորալուսնի լուսնային խավարումը Ջրհոսի նշանում։ Քանի որ Լուսնային հանգույցներն այս ամսվա ընթացքում անցնում են նոր ժամանակագիծ, հնարավորությունները կարող են ի հայտ գալ շատ արագ։ Փետրվարին կարևոր է խոհեմ մոտեցումը։ Պետք է հավասարակշռել ռիսկն ու կայունությունը՝ միաժամանակ ձգտելով ֆինանսական աճի։ Կարող եք առաջ շարժվել, սկսել նոր աշխատանք, բարելավել ձեր ֆինանսական վիճակը, սակայն անհրաժեշտ է խուսափել այնպիսի քայլերից, որոնք կարող են վտանգել արդեն ձեռք բերված կայունությունը։ Սա հաշվարկված ռիսկի ամիս է․ եղեք բաց նոր գաղափարների ու ուղիների համար, բայց միևնույն ժամանակ որոշ միջոցներ պահեք «սև օրվա» համար։
1. Խոյ
2026 թվականի փետրվարին ֆինանսական կայունությունը վերջապես վերադառնում է Խոյերի կյանք։ 2018 թվականից ի վեր Ուրանը շարժվում էր ձեր ֆինանսների ոլորտով՝ բերելով անկայունություն և փողի վերաբերյալ նոր մտածողություն։ Թեև այս շրջանը դժվար էր, այն ձևավորեց ձեր ֆինանսական անկախության ձգտումը՝ ուրիշներից կամ համակարգերից կախված չլինելու ցանկությունը։ Դուք խորապես վերանայել եք, թե ինչպես եք վաստակում ձեր գումարը և ինչի մեջ եք ներդրում կատարում։ Փետրվարի 3-ին Ուրանի ուղիղ շարժը Ցուլի նշանում ազդարարում է ձեր ֆինանսական կյանքի չափազանց կարևոր փուլը, որը կտևի մինչև ապրիլի 25-ը, երբ Ուրանը կանցնի Երկվորյակների նշան։ Այս շրջանում դուք սկսում եք տեսնել ձեր ջանքերի արդյունքները։ Ձեր ֆինանսական վիճակը արտացոլում է սեփական արժեքի զգացումը։ Թեև հնարավոր են անսպասելի զարգացումներ կամ անկախության նոր մակարդակ, ընդհանուր առմամբ սա ոչ թե անկայունության, այլ այն կայունության մասին է, որը դուք ինքներդ եք կառուցել։
2. Ձկներ
Ձկների համար ժամանակն է բարելավել ֆինանսական դիրքը։ Փետրվարի 10-ին Վեներան մուտք է գործում Ձկների նշան, որը կառավարում է ձեր ֆինանսական ոլորտը։ Վեներան առատության մոլորակն է, և այս դիրքում այն նպաստում է եկամուտների աճին։ Դուք կարող եք գումար ստանալ առաջխաղացման, ներդրումների, պարգևավճարների կամ անսպասելի աղբյուրների միջոցով։ Սակայն ֆինանսական բարելավումը դեռ չի նշանակում անխոհեմ ծախսեր․ ամբողջ ամիս դուք ցուցաբերում եք պատասխանատու մոտեցում և չեք վտանգում ձեր ֆինանսական կայունությունը։ Փետրվարի 26-ին, երբ Մերկուրին հետադարձ շարժում է սկսում Ձկների նշանում, սա հարմար ժամանակ է բյուջեն վերանայելու, ծախսերը վերահսկելու և պահանջելու այն գումարները, որոնք ձեզ պարտք են։ Այս փուլը ցույց է տալիս, որ ֆինանսական հաջողությունը կախված է ոչ միայն ունեցած գումարից, այլև այն ճիշտ կառավարելու կարողությունից։
3. Ջրհոս
Մի շտապեք, սիրելի Ջրհոսներ։ Ձեր ֆինանսական կյանքում սկսվում է նոր փուլ, սակայն այն պահանջում է համբերություն և մտածված քայլեր։ Փետրվարի 17-ին Ջրհոսի նշանում տեղի ունեցող Նորալուսնի լուսնային խավարումը ակտիվացնում է ձեր ֆինանսների ոլորտը։ Ջրհոսը արագ փոփոխությունների էներգիա ունի, ուստի կարևոր է պահպանել հավասարակշռությունը՝ առաջ շարժվելով, բայց չընդդիմանալով անհրաժեշտ փոփոխություններին։ Հյուսիսային հանգույցը Ջրհոսի նշանում ցույց է տալիս, որ դուք մտնում եք ֆինանսական անկախության և նորարարության փուլ։ Այս շրջանը նպաստում է եկամտի նոր աղբյուրների որոնմանը, հատկապես՝ առցանց կամ տեխնոլոգիական ոլորտներում։ Ջրհոսը խրախուսում է այնպիսի հարստություն, որը ոչ միայն անհատական է, այլև օգտակար է հանրության համար։ Գործեք մտածված, բայց նաև իմացեք, թե երբ պետք է ասել «այո» և օգտվել հնարավորությունից։ Եթե բաց մնաք նոր փորձերի ու առաջարկների համար, այս էներգիան կարող է տարիների ընթացքում ամբողջովին փոխակերպել ձեր ֆինանսական վիճակը։
