Ադրբեջանի մայրաքաղաք Բաքվի Ահմեթ Ռաջաբլի փողոցում «AFEN Plaza» բիզնես կենտրոնում ժամը 9:00-ի սահմաններում խոշոր պայթյուն է եղել։
Հինգ մարդ վիրավորվել է: 2 տղամարդ և 3 կին բազմաթիվ վնասվածքներով հոսպիտալացվել են Կլինիկական բժշկական կենտրոնում։
Կլինիկական բժշկական կենտրոնը հայտնել է, որ վիրավորներից մեկը ջերմային այրվածքներ է ստացել, իսկ մյուս չորսը՝ մարմնի տարբեր մասերի բազմաթիվ վնասվածքներ։
Վիրավորների վիճակը գնահատվել է միջին ծանրության։ Նախնական տեղեկությունների համաձայն՝ պայթյունը տեղի է ունեցել շենքի 1-ին հարկում, վնասել է վեցհարկանի շենքի 5 հարկերը:
«AFEN Plaza»-ի սեփականատերն ասել է, որ շենքում գազ չի եղել։ «Շատերը կարծում են, որ միջադեպը տեղի է ունեցել գազի արտահոսքի պատճառով։ Սակայն շենքում գազ չկա»,- Qafqazinfo-ին ասել է Աբուլֆատ Ալիեւը։ Ալիեւը նշել է, որ շենքը գտնող տարածքում նախկինում վնասվել է նոր ճանապարհի երկայնքով անցնող գազատարը։
Նրա կարծիքով՝ դրա հետևանքով ստորգետնյա գազ է արտահոսել բիզնես կենտրոն, ինչի հետևանքով էլ պայթյուն է եղել։
