ՌԴ ՀՕՊ ուժերը կասեցրել են դեպի Մոսկվա թռչող ևս յոթ անօդաչու թռչող սարքերի հարձակումը, հայտնել է Մոսկվայի քաղաքապետ Սերգեյ Սոբյանինը Telegram-ի իր ալիքում, փոխանցում է «ՌԻԱ Նովոստին»։
«Դոմոդեդովո, Ռամենսկոե և Կոլոմնա քաղաքային շրջաններում ևս յոթ անօդաչու թռչող սարքեր են խոցվել։ Մինչ այժմ ոչնչացվել է դեպի Մոսկվա թռչող 32 անօդաչու թռչող սարք»,– հայտնել է նա։
Ըստ նախնական տվյալների՝ բեկորների ընկնելու վայրում ավերածություններ կամ տուժածներ չկան, հավելել է Սոբյանինը։
Մոսկովյան «Վնուկովո» և «Դոմոդեդովո» օդանավակայաններում հետաձգվել են ժամանման և մեկնման թռիչքները։
