Ինչպես նշում է կայքի ներկայացուցիչը, չեն փոխվի այնպիսի ապրանքների գները, ինչպիսիք են ականջակալները, պրոյեկտորները, էլեկտրական սկուտերները և լիցքավորիչները: Մոնիտորների, տեսախցիկների, խաղային վահանակների գները կբարձրանան 2 տոկոսային կետով։ Միաժամանակ 7 տոկոսային կետով կավելանա պրոցեսորների միջնորդավճարը 5-ից տոկոսային կետից կդառնա 12%, իսկ խելացի ժամացույցների դեպքում այն կավելանա 10 տոկոսային կետով՝ 5-ից 15%:
iCover-ի մարքեթինգի տնօրեն Վադիմ Դեգտյարևը պարզաբանել է, որ փոշեկուլների և էլեկտրական սափրիչների միջնորդավճարը կավելանա 5 տոկոսային կետով՝ հասնելով 15%-ի։ Մյուս կողմից՝ նա նշել է, թե հարթակը «միջնորդավճարներն իրոք համապատասխանեցնում է շուկայական միջինի հետ»:
Wildberries-ի ներկայացուցիչն իր հերթին հիշեցրել է, որ 2023-ին ընկերությունը երկու անգամ (մայիսին և սեպտեմբերին) նվազեցրել է էլեկտրոնիկայի միջնորդավճարները, ինչը նպաստել է վաճառողների եկամուտների ավելացմանը։ Միջնորդավճարները, նշել է նա, փոխհատուցում են էլեկտրոնիկայի փոխադրման, պահպանման և անվտանգության հատուկ պահանջների հետ կապված ռիսկերը:
Tinkoff eCommerce-ի տնօրեն Իլյա Կրետովը կարծում է, որ էլեկտրոնիկայի և կենցաղային տեխնիկայի վաճառողները կարող են միջնորդավճարի մի մասը ներառել սպառողների համար ապրանքների վերջնական գներում: Սակայն նա նաև կանխատեսել է, որ թանկացումները կիրականացվեն զգուշորեն, որպեսզի չվախեցնեն գնորդներին։
Նա նաև կարծում է, որ միջնորդավճարների ավելացման պատճառը կարող է լինել չինական արտադրողների մուտքը Wildberries. էլեկտրոնիկայի և կենցաղային տեխնիկայի կատեգորիաները հիմնականում բաղկացած են չինական ընկերությունների արտադրանքներից:
