Այսօր՝ նոյեմբերի 29-ին, խոշոր ավտով թար է տեղի ունեցել Կոտայքի մարզում:
Ժամը 13:20-ի սահմաններում՝ Երևան-Սևան ավտոճանապարհի 20-րդ կմ հատվածում, ճակատ ճակատի բախվել են Range Rover և Volkswagen Vento մակնիշի ավտոմեքենաները:
Ինչպես հայտնում է shamshyan.com-ը, վթարի հետևանքով 4 հոգի՝ քաղաքացիների և օպերատիվորեն ժամանած ՀՀ ՆԳՆ փրկարար ծառայության Աբովյանի թիվ 45 հրշեջ-փրկարարական ջոկատի հրշեջ-փրկարարների օգնությամբ դուրս են բերվել ավտոմեքենաներից և պատգարակներով մոտեցվել են օպերատիվորեն ժամանած «Աբովյան» բժշկական կենտրոնի և Բյուրեղավանի բժշկական ամբուլատորիայի շտապօգնության ավտոմեքենաներին:
Բժիշկները վիրավորներին նախ տեղում առաջին բուժօգնությունն են ցուցաբերել, ապա նրանցից երկուսին տեղափոխել են «Աբովյան» բժշկական կենտրոն, իսկ մյուսներին, ովքեր գտնվում էին ծայրահեղ ծանր վիճակում, տեղափոխել են Հերացու անվան թիվ 1 համալսարանական հիվանդանոց:
Օպերատիվորեն ժամանել են ՀՀ ՆԳՆ ոստիկանության պարեկային ծառայության Կոտայքի մարզի գումարտակի 1-րդ վաշտի 2-րդ դասակի պարեկները:
Վթարի մասին ոստիկանության Կոտայքի բաժնից տեղեկությունը փոխանցվել է Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը: Ավտոմեքենաները տեղափոխվում են ոստիկանության Կոտայքի բաժնի պահպանվող հատուկ տարածք: Ոստիկանությունն ու քննչական բաժինը պարզում են վարորդների և վիրավորների ինքնությունը:
