«Իմ հիվանդությունը և ամեն ինչ կապել եմ Աստծո հետ: Իմ կողքին էին ընտանիքս և ընկերներս, ովքեր ամեն ինչ արեցին, որպեսզի ինձ ավելի ամուր զգամ: Բոլոր տեսակի հիվանդությունները մարդու գլխում են: Փառք Աստծո ճիշտ ուղղություն ստացա դեպի լավ հիվանդանոց:
Հայաստանում սկզբում ինձ չէին ասում ճշմարտությունը, հետո մի լավ ընկեր ունեմ, նա ասաց՝ «ես ուզում եմ, որ դու իմանաս ճշմարտությունն ու շատ արագ պետք է քայլեր ձեռնարկենք»:
Ու ես Գերմանիայում հասկացա, որ դա դատավճիռ չէ, ընդամենը պետք է շատ արագ գործողություններ անել: Այդ ժամանակ ես չէի աշխատում ու նման գումարներ չէի կարող վճարել, ինձ օգնեցին ընկերներս, ամեն ինչ արեցին, հետո, իհարկե վերադարձվեց:
Եղել է պահ, երբ ուզել եմ հանձնվել: Դա այն պահն էր, երբ քիմիա էի ստանում, առաջին կուրսից հետո սարսափելի էր: Չեմ ուզում խոսել դրա մասին:
Ամենամեծ ապտակը դա դեկտեմբերի 29-ին էր… ամսի 31-ին ես պիտի Հանրապետության հրապարակում տոնական համերգ վարեի: Դրանից առաջ Գերմանիայում քիմիա ստացա: Առավոտյան քնից արթնացա, լվացվելուց հասկացա, որ մազերս ամբողջությամբ թափվում են: Դա ամենամեծ դեպրեսիան էր, շատ մեծ սթրես էր, միանգամից շատ արագ գնացի վարսավիրանոց, սափրեցին գլուխս ու ես վարեցի այդ համերգը:
Շատ լավ անցավ օրս, սիրուն ու լավ համերգ ստացվեց»,- «Սրտի տանիքներով» հաղորդման շրջանակներում՝ խոսելով քաղցկեղը հաղթահարելու մասին, անկեղծացել է հաղորդավար Սամվել Գրիգորյանը:
