ՀԵՑ–ի պետականացման դեպքում կшրճաժամկետ հնարшվոր կլինի պահել սшկագինը, հետո այլևս հնարшվոր չի լինի. Նարեկ Կարապետյան
Պետությունը լավ կառավարիչ չի. այն երկրները, որտեղ էլեկտրական ցանցերը պետական են, այնտեղ կամ շատ մեծ կորուստներ։ Այս մասին հարցազրույցում նշել է «Տաշիր» ընկերությունների խմբի փոխնախագահ, «ՀԷՑ» ՓԲԸ տնօրենների խորհրդի նախագահ Նարեկ Կարապետյանը։
«Օրինակ Ադրբեջանում կա պետական էլեկտրական ցանցեր, այնտեղ կորուստները ՀԷՑ–ի 2012 թվականի կորուստների չափ է, այսինքն շատ բարձր է։ Իրանում կա պետական էլեկտրական ցանցեր, կորուստները շատ բարձր են։ Որտեղ որ մասնավոր է, օրինակ Վրաստանում, Ամերիկայում Եվրոպայի համարյա բոլոր երկրներում այդ խնդիրը լուծված է, սակագինը կայուն է։ Դա հնարավոր է, որովհետև մասնավորը իր ամբողջ ժամանակը ներդնում է, որ ընկերությունը էֆեկտիվ լինի։
Նայենք մեր էներգետիկ համակարգը, Հայաստանի էներգետիկան չունի նախարարություն, ժամանակին մենք ունեինք 300 հոգանոց նախարարություն, այսօր ունենք մեկ փոխնախարարի հաստիք և ութ ամիս է՝ այդ հաստիքը թափուր է։ Առաջին քայլը պետք է լինի այն, որ գոնե մենք ունենանք էներգետիկայի փոխնախարար, ով կկարողանա ընդհանուր քաղաքականությունը մշակել։
Եթե մենք փոխնախարարի կադր չենք կարողանում ճարել, ինչպես ենք կադր ճարելու, այսպիսի մեծ ընկերությունների կառավարման համար»,–ասաց նա։
Նարեկ Կարապետյանը կանխատեսեց, որ ՀԷՑ–ի պետականացումից հետո կարճաժամկետ կտրվածքով հնարավոր կլինի սակագինը պահել, քանի որ մեծ աշխատանք կա կատարված, բայց երկարաժամկետ առումով հնարավոր չի լինի.
«Նախ, միջազգային արբիտրաժների արդյունքում տույժեր կգան, որոնք պետությունը ստիպված կլինի վճարել, երկրորդ, միջազգային մեծ բանկերի ֆինանսավորման դադարեցումը կլինի, քանի որ նրանք ոչ մասնավորի հետ չեն աշխատի, հաշվի առնելով պետական համակարգի թուլությունները, և երրորդ, մենք գիտենք, թե ինչպես են աշխատում պետական կառույցները ու դրա արդյունքում երկարաժամկետ մենք կունենանք խնդիրներ։
Իհարկե, դրան իրենք պետք է դեռ հասնեն, իսկ հասնելու արդյունքում նրանք պետք է պատրաստ լինեն, որ մեծ տույժեր են ստիպված լինելու վճարել։ Մենք դրա համար ուրախ չենք, բայց դա պետք է դաս լինի յուրաքանչյուրի համար, որ չի կարելի մասնավոր սեփականության վերաբաշխմանը այդպես հեշտ վերաբերվել»։
https://news.am/arm/news/892055.html?fbclid=IwY2xjawLSQiNleHRuA2FlbQIxMQABHtmcMNI9zYPIxOPjDw0GmUucO04ioLydkGS5W4jtO9INSrGrjMyQO5m-tMYE_aem_wMqRi5QbnDfZLmQmGRV59g
