«Մենք մի քանի անգամ առաջարկներ ենք փոխանակել խաղաղության պայմանագրի նախագծի վերաբերյալ, սակայն այժմ սեպտեմբերի 11-ից ավելի քան երկու ամիս սպասում ենք, որ Հայաստանի կառավարությունը պատասխանի մեզ։ Կցանկանայինք իմանալ նրանց կարծիքը այս մեկնաբանությունների վերաբերյալ։ Բայց մենք այդպես էլ պատասխան չստացանք»,- ասել է նա։
Ադրբեջանի նախագահը նաև քննադատել է Ֆրանսիային Հարավային Կովկասում նրա «ապակառուցողական» (չակերտները՝ Iravaban.net-ի) դերի և Հայաստանի վրա ազդեցության համար։
«Ֆրանսիան շատ «կործանարար» (չակերտները՝ Iravaban.net-ի) դեր է խաղում Հարավային Կովկասում։ Փաստորեն, Հայաստանը դարձել է ֆրանսիական կառավարության խամաճիկը, և դա կարող է լուրջ սպառնալիք դառնալ տարածաշրջանային կայունության համար ։ Մեզ ոչ մի պատերազմ պետք չէ։ Մենք կռվեցինք «մեր տարածքում, վերականգնեցինք արդարությունն ու միջազգային իրավունքը» (չակերտները՝ Iravaban.net-ի) ։ Բայց Հայաստանի իշխանություն մտածում է ռևանշի մասին։ Հայաստանին զինելը, որով Ֆրանսիան այդքան հպարտանում է և հրապարակավ հայտարարում, չի օգնի Հայաստանին, եթե նա որոշի նոր պատերազմ սկսել։ Արդյունքը նույնն է լինելու, և ոչ ոք նրանց չի օգնի։ Ֆրանսիան օգնե՞լ է նրանց երեք տարի առաջ։ Ոչ Երկու ամիս առաջ նրանց օգնե՞լ են։ Ո՛չ։ Ի՞նչ կարող են նրանք անել հիմա: Ոչինչ։ Ուստի կարծում եմ, որ որքան շուտ Հայաստանից պատասխան ստանանք մեր մեկնաբանությունների վերաբերյալ, այնքան լավ»,- ասել է նախագահը։
Ալիևը նաև նշել է, որ Հայաստանը պետք է ծրագրի իր ապագան՝ ելնելով սեփական ազգային շահերից, այլ ոչ թե Հարավային Կովկասից հեռու, հատկապես արյունալի գաղութային անցյալ ունեցող երկրների նկրտումներից։
