Իսրայելի հարվածների հետևանքով Իրանի երեք բարձրաստիճան զինվորական և երկու միջուկային գիտնական է զոհվել, հայտնում են Իրանի պետական լրատվամիջոցները։
IRNA պետական լրատվական գործակալության փոխանցմամբ՝ սպանվել են Զինված ուժերի շտաբի պետ գեներալ-մայոր Մոհամմադ Բաղերին, Իսլամական հեղափոխության պահապանների կորպուսի (ԻՀՊԿ) գլխավոր հրամանատար Հոսեյն Սալամին, ինչպես նաև «Խաթամ ալ-Անբիա» շտաբի ղեկավար Ղոլամալի Ռաշիդը։ Զոհվածների թվում են նաև միջուկային գիտնականներ Մոհամմադ Մեհդի Թեհրանչին և Ֆերեյդուն Աբբասին։
Հարձակումները, ըստ Իրանի իշխանությունների, իրականացվել են Թեհրանում և մի շարք այլ քաղաքներում ուրբաթ առավոտյան՝ դեռ լույսը չբացված։
Իրանի գերագույն առաջնորդ այաթոլլա Ալի Խամենեին պատասխանը կոշտ է եղել՝ կոչ անելով հարձակումներին պատասխանել «խիստ պատժով»։ «Իսլամական Հանրապետության զինված ուժերի հզոր ձեռքը չի լքի այդ ռեժիմին, եթե Աստված կամենա», – հայտարարել է Խամենեին։
