Ի՞ նչ գնային փոփոխություններ են եղել շուկայում

Հայաստանում այս տարվա հոկտեմբերին 2022-ի նույն ամսվա համեմատ սպառողական գների ինդեքսն աճել է 0.1 տոկոսով: Վիճակագրական կոմիտեն ցուցանիշներ է հրապարակել։

Արձանագրվել է սննդամթերքի և ոչ ալկոհոլային խմիչքների 3% գնանկում:

Հացաբուլկեղենի և ձավարեղենի ապրանքախմբում արձանագրվել է  8.4% գնանկում: Բրնձի գները նվազել են 4.3%-ով, հացինը՝ 7.1%-ով, մակարոնեղենինը՝ 11.3%-ով:

Մսի գինը նվազել է 0.4%-ով, իսկ ձվի գինն աճել է 13.3%-ով: Կաթնամթերքի, պանրի և ձվի ապրանքախմբում արձանագրվել է 0.8% աճ: Շաքարի գինը նվազել է 5.4%-ով:

Ալկոհոլային խմիչքները և ծխախոտային արտադրատեսակները թանկացել են 8.5 %-ով: Հագուստը, կոշիկը թանկացել են 4%-ով: