Առեղծվածային դեպք Գեղարքունիքի մարզում. Սևանի ճանապարհին՝ 2 օր կայանված Nissan-ում հայտնաբերվել է Լիբանանի 51-ամյա քաղաքացու դին

Shamshyan.com-ը գրում է․ Այսօր՝ հունիսի 30-ին, առեղծվածային դեպք է տեղի ունեցել Գեղարքունիքի մարզում:

Ժամը 19:00–ի սահմաններում ոստիկանության Սևանի բաժին տեղեկություններ են ստացվել, որ Երևան-Սևան ավտոճանապարհի 67-րդ կմ հատվածում՝ «Ալգա Պլյուս» ռեստորանային համալիրին հարակից ճանապարհի մայթեզրին շուրջ 2 օր է, սպիտակ գույնի Nissan մակինշի ավտոմեքենա է կանգնած և մեջը դի կա:

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ոստիկանության Գեղարքունիքի մարզային վարչութան պետ Արթուր Մկրտչյանը, ոստիկանության Սևանի բաժնի պետ Սուրիկ Ջանիկյանը: Ժամանել է նաև Գեղարքունիքի մարզի դատախազ Էդուարդ Հարությունյանը:

Ահազանգով ժամանել են նաև Հայաստանի քննչական կոմիտեի Գեղարքունիքի մարզային քննչական վարչության պետ Արման Բաղդասարյանը, նույն վարչության Սևանի քննչական բաժնի պետ Թորգոմ Չանդոյանը, և հատկապես կարևոր գործերով ավագ քննիչ Նազարյանը:

Ավտոմեքենայի դուռը բացելու համար ոստիկանները դիմել են Արտակարգ իրավիճակների նախարարության փրկարար ծառայության ճգնաժամային կառավարման կենտրոն, որտեղից էլ տեղեկությունը փոխանցվել է Սևանի հրշեջ-փրկարարական ջոկատ, որտեղից ժամանած փրկարարները բացել են ավտոմեքենայի դուռը ու վարորդի նստատեղին մեջքի վրա պառկած վիճակում այնտեղից դուրս են բերել տղամարդու դի:

Դատաբժշկի նախնական եզրակացության համաձայն՝ դիակի  արտաքին զննությամբ բռնության հետքեր չեն հայտնաբերվել: Փաստի առթիվ Սևանի քննչական բաժնում նյութեր են նախապատրաստվում:

Նշանակվել է դիակի դատաբժշկական փորձաքննություն: Սևանի ոստիկաններն ու քննիչները պարզել են, որ մահացածը Լիբանանի քաղաքացի, 51-ամյա Շահե Գ.-ն էր:

Աղբյուրը https://bavnews.am/%d5%a1%d5%bc%d5%a5%d5%b2%d5%ae%d5%be%d5%a1%d5%ae%d5%a1%d5%b5%d5%ab%d5%b6-%d5%a4%d5%a5%d5%ba%d6%84-%d5%a3%d5%a5%d5%b2%d5%a1%d6%80%d6%84%d5%b8%d6%82%d5%b6%d5%ab%d6%84%d5%ab-%d5%b4%d5%a1%d6%80%d5%a6/?fbclid=IwAR3f-_hlPKOgsCJmy_pRz_VTzbrmTGKpa2qnrGaZx8htYJ7oDNRgdg_GAUc

от Narine

Добавить комментарий

Ваш адрес email не будет опубликован. Обязательные поля помечены *